گەڕان
گەڕان لە هەموو توێژینەوەکانی گۆڤاری ئەکادیمیای کوردی بەپێی ناونیشان، نووسەر یان پوختە.
- 0
- ئەنجامەکان
- 0
- لە کۆبەشدا
- “الاسلوب، التناص، النص، الذاتي، التفاعل، العلاقة، الاقتباس، دیوان.”
- گەڕان
ئەنجامەکان
- 2024
شێوازێن هەڤتێكستییا خۆدی دناڤبەرا دیوانێن (شین و شادی، دلستان، پاهیز)دا
لە لایەنحەمدیە حەسەن محەمەد
ئەڤ ڤەكۆلینە بزاڤەكە ذ بۆ دیاركرن و بەرسڤدانا وێ چەندێ یە، كا ئایا هەڤتێكستی ب تنێ كارلێكرنە و هەبوونا پەیوەندیێ یە دناڤبەرا تێكستەكی و تێكستەكێ دی یان چەند تێكستێن دیتردایە، ئەڤجا چ یێن بەارهیێ بن یان یێن هەڤچەرخ؟ نەخێر، بەلكو زێدەباری وێ چەندێ ژی ب واتایا كارلێكرن و گرێدان و هەبوونا پەیوەندیێ یە دناڤبەرا تێكست و بەرهەمێن ئێك نڤێسەری ژی دا دهێت. هەڤتێكستی ب رەنگەكێ گشتی بۆ سێ جۆران هاتیە دابەشكرن: هەڤتێكستیا خۆدی: تێدا كارلێكرن و تێكداچوون و پەیوەندیكرن دناڤبەرا تێكستێن ئێك نڤێسەریدا دروستدبیت. هەڤتێكستیا ناڤەكی: تێدا كارلێكرن و پەیوەندیا تێكستێن نڤێسەریە ل گەل تێكستێن هەڤچەرخێ وی. هەڤتێكستیا دەرەكی: تێدا ئێك تێكست كارلێكرن و تێكداچوونێ ل گەل هژمارەكا مەزن ژ تێكستان دكەت. ئەڤ ڤەكۆلینە راوەستیانەكە ل سەر دیاركرنا گرنگترین شێوازانە، یێن كو دناڤبەرا هەرسێ دیوانانێن هاتینە هەلبژارتن (شین و شادی، دلستان، پاهيز) ژ جۆرێ هەڤتێكستیا خۆدی هاتینە بكارهینان، ئەو شێوازە ژی ل پشتی پراكتیزەكرنێ دیاربوویە هەڤتێكستیا خۆدی ب وەرگرتنا گەلەك پەیڤ و دەربرین و هزر و واتایان دناڤبەرا واندا هاتیە ئەنجامدان، ئەڤە بۆ هندێ دزڤریت هوزانڤانی ڤیایە هەمان هەلویست وئەزموونێن خۆ یێن د تێكستێن بەراهیێدا دناڤ تێكستێن خۆیێن ل دویڤدا ب ئازرینیت و بەرچاڤبكەت؛ چونكی ئەڤێ چەندێ رولەكێ گرنك و مەزن د ئەزموونا وی داهێنەراندا گێرایە. دیسان شێوازێ هەڤتێكستیا خۆدی دناڤبەرا بەرهەمێن ئێک نڤێسەری بخودا دبیتە بنەمایەك ژبۆ جوداكرن و نیاسینا سیما و تایبەتمەندێن شێوازێ نڤێسین و بەرهەمهینانا هەر نڤێسەرەكی یان هوزانڤانەكی ژ ئێكێ دیتر. پەیڤێن سەرەكی: شێواز، هەڤتێكستی، تێكست، خۆدی، كارلێكرن، پەیوەندی، وەرگرتن، دیوان.