دەستەی نوسەران

پرۆفیسۆرە لە ئەدەبی گشتی و بەراوردکاریدا، ئەندامی کارای ئەکادیمیای کوردییە و سەرنووسەری گۆڤاری ئەکادیمیای کوردییە. بەکالۆریۆسی لە زمان و ئەدەبی کوردی لە زانکۆی بەغدا لە ساڵی ١٩٨٦ وەرگرتووە، ماستەر و دکتۆرای لە زانکۆی سۆربۆنی نوێ پاریسی سێ لە ١٩٩٦ وەرگرتووە. ٢٠٠٦ بۆ ٢٠١٤ سەرۆکی بەشی فرەنسی بووە. توێژینەوەی لەبارەی ئەدەبی بەراوردکاری و تیۆری ئەدەبی و مێژووی ئەدەب و ئەدەبی فرەنسی هەیە. ماوەی بیست ساڵ ئەدەبی نوێی فرەنسی و کوردی گوتووەتەوە، زۆربەی بەرهەمەکانی ئەلبێر کاموی لە فرەنسییەوە کردووەتە کوردی. کتێبی ڕۆژهەڵاتناسی ئێدوارد سەعید و ئەنتۆلۆژیای دوو سەد ساڵەی شیعری فرەنسی بۆ کوردی وەرگێڕاوە. هەروەها خاوەنی سێ بەرگ لە توێژینەوەیە لەبارەی ئەدەب و فەرهەنگی کوردی.

لە ئێستادا ئەندامێکی چالاکی ئەکادیمیای کوردییە و مامۆستایە لە بەشی زمانی کوردی، کۆلێژی پەروەردە، زانکۆی کۆیە. بڕوانامەی بەکالۆریۆسی لە زمانی کوردی لە زانکۆی کۆیە ساڵی ٢٠٠٨ بەدەستهێناوە، بڕوانامەی ماستەری لە بواری (زانیاریی زمانی و پەیوەندییەکان) لە زانکۆی ڕێن ٢ لە فەڕەنسا ساڵی ٢٠١٣ وەرگرتووە. لە ساڵی ٢٠٢٢دا بڕوانامەی دکتۆرای لە ڕێزمانی بەراوردکاری لە زانکۆی سەڵاحەدین بەدەستهێناوە. لە ئێستادا بایەخی توێژینەوەکانی لەسەر چارەسەرکردنی زمانی سروشتی (NLP) و ڕێزمانی بەراوردکاری چڕبووەتەوە.

دکتۆرای ئەدەبی ئینگلیزی لە زانکۆی ئێگزێتێر لە بەریتانیا لە ساڵی ٢٠١٠ وەرگرت. خاوەنی دکتۆرای فەلسەفەشە، ساڵی ٢٠٠٦ لە زانکۆی پوونا وەری گرتووە. پرۆفیسۆری میوان بوو لە زانکۆی کارڵتۆن لە کەنەدا لە ساڵی ٢٠٢٢. سەجادی پرۆفیسۆرە لە ئەدەبی ئینگلیزی و سەرۆکی دامەزرێنەری بەشی کوردی بوو لە زانکۆی کوردستان لە سنە، لە ساڵەکانی ٢٠١٥-٢٠٢٠. سەجادی خاوەنی چەندان کتێب و ژمارەیەکی زۆری توێژینەوەیە بە زمانەکانی ئینگلیزی و کوردی و فارسی لەبارەی ڕەخنەی ئەدەبی و تیۆریی و فەرهەنگی، ئەدەبی کوردی، ئەدەبی ئینگلیزی، زاراوەسازی، وەرگێڕان و پرۆسەی نوانەسازی و ئاماژەپێوی.

پرۆفیسۆری یاریدەدەرە و پسپۆرە لە بواری سۆسیۆلۆجیای ئەدەب و ڕەخنەی ئەدەبیی نوێدا، بە هەر دوو زمانی کوردی و عەرەبی. ئەندامی دەستەی نوسەرانی گۆڤاری ئەکادیمیای کوردییە. بەکالۆریۆسی لە زمان و ئەدەبی عەرەبی لە زانکۆی سەڵاحەدین لە ساڵی ١٩٨٧ وەرگرتووە، ماستەری لە زانکۆی سلێمانی لە ساڵی ٢٠٠٨ و دکتۆرا لە هەمان زانکۆدا لە ساڵی ٢٠١٢دا وەرگرتووە. خاوەنی ٤٣ کتێبی چاپکراوە بە هەردوو زمانی کوردی و عەرەبی، لە بوارەکانی ئەدەب و ڕەخنە و وەرگێڕاندا.

پرۆفیسۆری یاریدەدەرە، پسپۆرە لە بواری ڕەخنەی ئەدەبیدا. بەکالۆریۆسی لە زمان و ئەدەبی کوردی لە زانکۆی سەڵاحەددین لە ساڵی ٢٠٠٢ وەرگرتووە. ماستەری لە زانکۆی سەڵاحەددین لە ساڵی ٢٠٠٧، دکتۆرای لە هەمان زانکۆ لە ساڵی ٢٠١٠دا وەرگرتووە. خاوەنی ٣١ کتێبی چاپکراوە بە هەردوو زمانی کوردی و عەرەبی لە هەردوو بواری ئەدەب و زماندا.

یاریدەری پرۆفیسۆرە لە ئەدەبی نوێی کوردیدا، ئەندامی کارای ئەکادیمیای کوردییە، ئەندامی یەکێتیی نوسەرانی کوردە، لقی هەولێر. لە ساڵی ٢٠٠٤دا بەکالۆریۆسی لە زمان و ئەدەبی کوردی لە زانکۆی سلێمانی وەرگرتووە. ساڵی ٢٠٠٨ ماستەر و ساڵی ٢٠١٦ دکتۆرای لە زانکۆی کۆیە وەرگرتووە. بەشداری سێ کۆنفرانسی زانکۆی کۆیەی کردووە، چەندان توێژینەوەی لە بواری پسپۆڕی خۆیدا بڵاوکردووەتەوە، ٩ کتێبی چاپکراوە. ١٨ ساڵە مامۆستایە لە بەشی کوردی، زانکۆی کۆیە، وانەکانی ئەدەبی نوێ و ئەدەبی هاوچەرخ دەڵێتەوە.