گەڕان
گەڕان لە هەموو توێژینەوەکانی گۆڤاری ئەکادیمیای کوردی بەپێی ناونیشان، نووسەر یان پوختە.
- 0
- ئەنجامەکان
- 0
- لە کۆبەشدا
- “وشە، ڕاڤەكردن، واتای ناوەندی، زمانی ئەدەبی، سیاق”
- گەڕان
ئەنجامەکان
- 2022
بنەما فەلسەفی و زانستییەكانی ڕاڤەكردنی وشە لە دەقە ئەدەبییەكاندا
لە لایەنئەحمەد محەمەد مام عوسمان قەرەنی
ڕاڤەكردنی وشەكان لە دەقە ئەدەبییەكاندا، كارێكی ئاڵۆزە و زۆر جاریش ئیشكالیەتێكی زمانەوانی و هزری دروست دەكات. بۆ ڕوونكردنەوەی لایەنە نەرێنییەكانی ئەم پرۆسەیە كتێبی زمان و ئەدەبی كوردی پۆلی دەیەمی ئامادەیی بە نموونە وەرگیراوە، كە لە دوو لایەنەوە بنەما فەلسەفی و زانستییەكانی ڕاڤەكردنی وشەكان تێدا ڕەچاو نەكراون: لە لایێكەوە وشە بەرانبەر بە وشە دانراون، كە پێكهاتەی چەمكەكانیان یەكتر ناگرنەوە. لە لایێكی دیكەشەوە، هەندێك وشە بە هەڵە واتاكانیان ڕاڤەكراون. لە دوو بەشی ئەم توێژینەوەیەدا هەوڵدراوە ئەو هەڵە و كەموكورتییانە چارەسەر بكرێن و تێكاڵۆزبوونەكانیشیان سەرڕاست بكرێنەوە. بۆ ئەم مەبەستە، وشەكان لەڕووی فەلسەفەی ڕەوانبێژی و واتاكانیان بەپێی تیۆرە ئەدەبییەكانەوە لێكدراونەتەوە. دواتر لەگەڵ تیۆرەكانی زمانەوانیدا بەراوردكراون، دەرئەنجامەكانیشیان لەسەر چوار دەقی ئەدەبی كتێبی ناوبراودا پراكتیزە كراون و بەپێی ڕۆڵ و پێگەی وشەكان لە سیاقی ئاخاوتندا هەڵەكانیان ڕاستكراونەتەوە. توێژینەوەكە لە كۆتاییدا چەند ئەنجامێكی خستۆتەڕوو و دوو پێشنیازیشی پێشكەش كردووە بە مەبەستی ڕێكخستنەوەی بابەتەكانی ئەدەبی كوردی لە پرۆگرامەكانی خوێندندا.