گەڕان
گەڕان لە هەموو توێژینەوەکانی گۆڤاری ئەکادیمیای کوردی بەپێی ناونیشان، نووسەر یان پوختە.
- 0
- ئەنجامەکان
- 0
- لە کۆبەشدا
- “گێڕانەوە، کارەکتەر، دیالۆگ، دەقئاوێزان، وەسف”
- گەڕان
ئەنجامەکان
- 2023
هونەری گێڕانەوە لە ڕۆمانی (خۆڵەمێشی تەرمی کتێبێک)دا
لە لایەننەجم خالد نهجمەددين ئەڵوەنی
ڕۆمانی (خۆڵەمێشی تەرمی کتێبێک) یەکەمین ئەزموونی ڕۆماننووسيی (حەمە سەعید زەنگنە)ی چیرۆکنووسە کە چاپی یەکەمی لە ساڵی (٢٠٢١) لە شاری کەرکووک بڵاوبووەتەوە. پاش خوێندنەوەی دەقەکە بیرۆکەی ئەوەمان لا دروست بوو کە توێژینەوەیەکی لەسەر بنووسین و وامان بەباش زانی هونەری گێڕانەوە بکەینە بابەتی توێژینەوەکە. لەم توێژینەوەیەدا بە چوار تەوەر باسی جیاوازیی نێوان نووسەر و کارەکتەری وێناکراو و بنیاتی هونەریی کارەکتەر و زمانی ئاخاوتنی ئەوان و هەروەها باسی بنیاتی وەسف و چەند بابەتێکی ترمان کردووە. میتۆدی توێژينهوهكه: بۆ نووسینی ئەم توێژینەوەیە پشتمان بە میتۆدی (ڕهخنهی هونهری) بەستووە، چونکە بە بڕوای ئێمە باشتر لەگەڵ بۆچوونەکانمان دەگونجێ و خودی دەقەکەش لەڕووی واتا و بنیاتی هونەرییەوە زیاتر بەم میتۆدە ڕوون دەبێتەوە. هەروەها بۆ ڕێکخستنی پەراوێز و سەرچاوەکان سوودمان لە سیستەمی هارفارد وەرگرتووە. كێشهی توێژينهوهكه: ئهگهرچی ئهم دهستهواژهیه باوه، بهڵام ئێمه به پرسیاری توێژینهوهی دادهنێین و بڕوامان به وهیه ههر توێژینهوهیهك پرسیارێكه و وهڵامی دهوێ و دهبێت تهواوی ئهو وهڵامه پهیوهندی به ناوونیشان و ههموو تهوەرهكانی توێژینهوهكه و ئهنجامهكانییهوه ههبێت. پرسیاری ئهم توێژینهوهیهش لهوهدا پوخت دهبێتهوه كه ئایا ئهم ڕۆمانه تا چ ڕادهیهك لهڕووی هونهرییهوه سهركهوتوو بووه، و ڕۆماننووس چی كردووه بۆ ئهوهی بنهما هونهرییهكانی گێڕانهوه لهم ڕۆمانهدا بهرجهسته بكات. كۆی توێژینهوهكه و ئهنجامهكانی وهڵامن بۆ ئهو پرسیاره.