بوارێن واتایی یێن کارێن ھەستان د مەموزینێدا
لە لایەنزیرڤان ناصر & هودە عەبدولقادر
زیرڤان ناصر
بەشی زمانی كوردی- كولێژی زمانان- زانكۆی دهۆك
هودە عەبدولقادر
پشكا زمانێ كوردی- كۆلێژا زمانان- زانكۆیا دهوك
—
ئهڤ ڤهكۆلینه ل ژێر ناڤونیشانێن(کارێن هەستان د مەموزینێدا)د ئاستێ واتاسازییا فەرهەنگیدایە، تایبەتە ب دیارکرنا کارێن تایبەت ب هەستان ئەوێن د داستانا شیعرییا مەموزینێدا هاتین، ڤهكۆلین ل دویڤ ڕێبازا وەسفى هاتیەئەنجامدان و بۆ دیارکرنا ڕێژا کاران پشت ب ڕێبازا ئامارى هاتیەبهستن، کارێن هەستان تنێ پۆلەکا ڕێزمانى نینن، بەلکو بەژداریێ د ئاڤاکرنا واتایێدا دکەن و شرۆڤەکرنا واتاییا وان کارن پتر دەقێ شیعرى ڕوندکەت. ئارمانجا ڤهکۆلینێ ئەوە دیارکەین کا ئەحمەدێ خانى د ڤەهاندنا چیرۆکا مەموزینێدا پشت بەستن ل سەر چ جورە کارێن هەستان کریە، ڤهکۆلین ل سەر چوار تەوەران هاتیەدابەشکرن، تەوەرێ ئێکێ بۆ ڕۆناهى ئێخستنه سەر تیورا بوارێن واتایی هاتیەتەرخانکرن، تەوەرێ دووێ بۆ دابەشکرنا بوارێن واتایی هاتیەتەرخانکرن، تەوەرێ سیێ تایبەتە ب کارى و جورێن بوارێن کاران، تەوەرێ چوارێ تایبەتە ب دەرئێخستنا کارێن هەستان د مەموزینێدا. ئەوا ڤهکۆلینا مە گەهشتیێ ئەوە کو ڕێژا هەره مەزنا کارێن د مەموزینێدا هاتین کارێن تایبەتن ب هەستێ دیتنێ و پاشى هەستێ گوهلێبوونێ دهێت، ئەڤەژى ژبەر کو مرۆڤ پتر پشت بەستنێ ل سەر هەستێ دیتنێ د نیاسینا جیهانیدا دکەت، هەروەسا ڕێژەیەکا زۆرا پێزانینان و تشتان مرۆڤ ب چاڤان هەست پێدکەت، لەورا تشتهكێ سروشتییە کو ئەحمەدێ خانى پتر کارێن وەکو(دیت، سەیرکر، تەماشەکر، نەزەرکر، فوکرى، ...) د بهرههمیدا بكارئیناینه.
پەیڤێن کلیل: بوارێن واتایی، کێلگێن واتایی، کار، کارێن هەستان، مەموزین.الكلمات المفاتيح: المجالات الدلالية، الحقول الدلالية، الفعل، افعال الحواس، مم و زينKeywords: Semantic fields, lexical fields, verb, sensory verbs, Mem and Zin.
ناصر, ز., & abdulqadir, h., & , (2025). بوارێن واتایی یێن کارێن ھەستان د مەموزینێدا. Journal of the Kurdish Academy, 4(65), 123-143. https://doi.org/10.56422/jka.4.65.887