جەختکرن د گۆڤەرا بەهدینیدا

جەختکرن دیاردەکا زمانیە، د هەمی زمانێن جیهانیدا بەرچاڤ دبیت. ئەڤ دیاردە کار دکەت بۆ دیارکرنا کەرەستەکێ یان دەربڕینەکا زمانى د رستێدا بۆ پتر سەرنجراکێشانا گوهدارى بۆ ئەوێ مەبەستا ئاخڤتنکەرى پێ هەى. د زمانێ کوردیدا ب رەنگەکێ بەربەلاڤ دهێتەبکارئینان و رێکێن جودا جودا بۆ دیارکرنا ئەڤێ دیاردێ دهێنەبکارئینان، وەکو رێکا دەنگسازی(هێز و ئاوازە) یان ب رێکا فۆرمێ رۆنانێ(د ئاستێن مۆرفۆلۆجی و ڕستەسازیدا کو ب رێیا مورفیمان یان رێزبوون و مەزنکرنا گرێ و رستەیان) یانژى ب رێیا واتایێ. بابەتێ جەختکرنێ ب هەمی رێکێن خوەڤە، ب شێوەکێ تێروتەسەل نەهاتیەڤەکولین د گوڤەرا بەهدینیدا، لەورا ئەم دێ هەولدەین بابەتێ جەختکرنێ د ئاستێ ڕستەسازیێدا دیاربکەین، ب شێوەکێ وەسفی ب رێکا پولینکرن و دیارکرنا کەرەستێن کو دبنە ئەگەرێ جەختکرنێ د ڕستێدا. ئەم گریمانە دکەین کو د ئاستێ ڕستەسازیێدا پتر ژ رێکەکێ و کەرەستەکێ هەبیت، بۆ ئەنجام گەهاندنا ئەڤێ گریمانێ رێبازا وەسفی شرۆڤەکاری هاتیەبکارئینان، د ئەنجامدا دیاربوو کو د ئاستێ ڕستەسازیێدا (رێزبوونا کەرەستان، مەزنکرنا رۆنانێ، دووبارەکرن، رێکێن جوراوجور) دبنە ئەگەرێ دروستبوونا جەختکرنێ.