(شانۆ و شیعری شانۆیی له بواری فێركردن)دا شیعره شانۆییهكانی شوان ئهحمهد به نموونه
لە لایەنهێرۆ عەبدولڕەحمان مستەفا & عومەر عومهرصالح
هێرۆ عەبدولڕەحمان مستەفا
بهشی خاك و ئاو، كۆلیژی زانسته ئهندازیارییه كشتوكاڵییهكان، زانكۆی سەڵاحەددین - هەولێر
عومەر عومهرصالح
بەشی زمانی كوردی، كۆلێژی پەروەردەی بنەڕەت، زانكۆی ڕاپەڕین
—
ئهم توێژینهوهیه به ناونیشانی (شانۆ و شیعری شانۆیی لە بواری فێرکردن) دایه. شيعره شانۆییەکانی شوان ئهحمهد به نموونه وهرگیراوه. ههوڵێكه بۆ ناساندنی شانۆ و شیعری شانۆیی منداڵان، ههوڵمان داوه كاریگهرییهكانی ئهمجۆره شیعره له ڕووی پهروهردەیی و فێركردن له سهر منداڵان ڕوون بكهینهوه، كە كەناڵێكی هەرە گرنگی پێگەیاندنی كۆمەڵایەتییە، لە ڕێگەیەوە منداڵان بۆ ژیانی نێو كۆمەڵگا ئامادە دەكرێن. شانۆ و شیعری منداڵانیش فاكتەرێكی گرنگی پەروەردە و فێركردنە، كاریگەری گەورەی لە گەشەپێدانی كەسایەتی منداڵان و ڕۆشنبیركردن و فراوان بوونی ئاسۆی بیركردنەوەیان هەیه، بەتایبەتی لە قۆناغەكانی باخچە و خوێندنی بنەڕەتی. لەو ڕێگەیەوە دەتوانرێت پەیامی پەروەردەیی باشتر بكات و فێركردن چالاكتر ببێت، چونكە لەو قۆناغەدا منداڵان زیاتر لە ڕێگەی بینین و لاسیكردنەوەوە فێردەبن، تا چەندیش ئەوەی دەیبینێت سەرنجڕاكێشتر بێت، زیاتر چێژی پێ دەبەخشێت و زووتر وەردەگرێت و لاسایی دەكاتەوە. منداڵان لە شانۆ و شیعری شانۆیی بە بەشداری كردن، یاخود بینینی چێژ و خۆشی وەردەگرن، ئەمەش وادەكات فاكتەرێكی فێركردنی كاریگەر بێت، بۆ گەیاندنی هەر پەیام مەبەستێك بە منداڵان لەو قۆناغەدا. ئەم توێژینەوەیە كاریگەرییە پەروەردەیی و فێركارییەكانی شیعری شانۆیی (ژینگە و پاڵەوانی جەنگەڵ)ی شوان ئەحمەدی دەرخستووە، لەگەڵ هەموو ئەو لێكەوتانەی لەسەر منداڵ هەیەتی. توێژینەوەیەكە لە پێشەكی و دوو بەش پێكهاتووە.
, ه., & Omer Salih, o., & , (2023). Theatre and Theatrical Poetry in Teaching). Shuan Ahmad's theatrical poems . Journal of the Kurdish Academy, 0(57), . https://doi.org/10.56422/ka..57.396