هەڤتەریبیا پێكهاتەیی د مەم و زینا ئەحمەدێ خانی دا
لە لایەنعصمەت مەحمود محەمەد & مەسعود جەمیل رەشید
عصمەت مەحمود محەمەد
سەرۆكاتیا زانكۆیا دهۆك
مەسعود جەمیل رەشید
زانكۆیا دهۆك/ كولیژا زمانان – پشكا زمانێ كوردی
—
هەڤتەریبی، وەکو ئێک ژ تەکنیکێن دروستکرنا زمانێ شعری، ب تایبەتی ژی ریتما ناڤخۆیێ د ناڤ تێکستێ ئەدەبیدا، د ئەدەبێ کوردیدا تا راددەکێ باش پشتبەستن لسەر هاتیە کرن. ئەڤ تەکنیکە نە بتنێ گرێدای شعرێیە، بەلکو ڤەکۆلینێن دەستپێکی لدۆر ڤی بابەتی گرێدای تێکستێن ئاینی بوون. ب گۆتنەکا دی، هەڤتەریبی د هژمارەکا جۆرێن گۆتاراندا دهێتە بکارئینان بۆ جوانکرنا دەربرینێن زمانی و کارتێکرنێ ل وەرگری. ئێک ژ وان شاعرێن کورد یێن ب ئاوایەکێ سەرەکی پشتبەستن لسەر ڤێ تەکنیکێ کری، ئەحمەدێ خانی یە، ب تایبەتی د مەم و زینـا خۆدا. هەڤتەریبیێ رۆلەکێ مەزن د بەرهەمێ ناڤبریدا دیتیە و بوویە ئالاڤەکێ سەرەکیێ بنیاتنانا زمانێ شعری د ڤی بەرهەمیدا. ئەڤ ڤەکۆلینا ب ناڤێ (هەڤتەریبیا پێکهاتەیی د مەم و زینا ئەحمەدێ خانی دا) یا تایبەتە ب دەستنیشانکرن و شرۆڤەکرنا رۆل و جۆرێن هەڤتەریبیا پێکهاتەیی د مەم و زینا خانی دا، کو ژ دوو پشکا پێکدهێت. د پشکا ئێکێدا چارچۆڤێ تیۆری یێ هەڤتەریبیێ هاتیە دەستنیشانکرن و شرۆڤەکرن و کورتیەکا دیرۆکی، زاراڤ، تێگەهـ و دابەشکرنێن جۆرێن هەڤتەریبیێ بخۆڤە دگریت. پشکا دووێ ژی، پشکەکا ئاماری/شرۆڤەکاریە و تێدا ب ئاوایەکێ پراکتیکی جۆرێن هەڤتەریبیا پێکهاتەیی د بەرهەمێ ناڤبریدا هاتینە دەستنیشانکرن و شرۆڤەکرن.
ريتم، هەڤتەریبی، هەڤتەریبیا پێکهاتەیی، دووبارەكرن، ئەحمەدێ خانیالايقاع، التوازي، التوازي التركيبي، التكرار، أحمد الخانيRhythm, parallelism, Structural parallelism, Repeations, Ahmed-i Khani
, ع., & , م., & , (2022). هەڤتەریبیا پێكهاتەیی د مەم و زینا ئەحمەدێ خانی دا. Journal of the Kurdish Academy, 0(52), 159 - 190. https://doi.org/10.56422/ka..52.89