ڕۆلێ گیرەکێن ڕێزمانی د دیارکرنا پۆلێن ڤەکریێن ئاخڤتنێدا، د ئاخڤتنا خه لكێ دهۆكێدا

ئەڤ ڤەکۆلینە ب ناڤونیشانێ (ڕۆلێ گیرەکێن ڕێزمانی د دیارکرنا پۆلێن ڤەکریێن ئاخڤتنێدا) ل دویڤ دیتنا (فنجی-finch)ی هاتییە ئەنجامدان، پێکۆلێ دکەین ل دویڤ ناڤونیشانێ ڤەکۆلینێ دیاربکەین کا گیرەکێن ڕێزمانی سەر ب کیژ پۆلا ڤەکری یا ئاخڤتنێیە؟، ئەڤ ڤەکۆلینە ل دویڤ ڕێبازا وەسفی شیکاری هاتییە ئەنجامدان، گرنگییا ئەڤێ ڤەکۆلینێ ل دویڤ ناڤونیشانێ ڤەکۆلینێ ل دەمێ زێدەکرنا گیرەکێن ڕێزمانی بۆ سەر قەد و ڕەگ و بنیاتێ پەیڤان د شیاندایە پۆلێن ئەوان ب هاریکاریا ئەڤان گیرەکان بهێنە دیارکرن، ئەرێ د شیانێن گیرەکێن ڕێزمانیدا هەیە ڕۆلی د دیارکرنا پۆلێن ئاخڤتنێ یین ڤەکریدا بگێریت؟ و ژ پۆلێن دیتر بهێنە ژێکجوداکرن؟ ئەنجامێن دویماهیکێ یێن ئەڤێ ڤەکۆلینێ دیاردبیت کو گیرەکێن ڕێزمانی ڕۆلەکێ بەرچاڤ د دیارکرنا پۆلێن ڤەکری یێن ئاخڤتنێ هەنە، ئانکو هەر پۆلەکا ئاخڤتنێ گیرەکێن تایبەت هەنە کو ل دەمێ دیتنا ئەڤان گیرەکان پۆلا ئاخڤتنێ دیاردبیتن، هەروەسا ئەڤ ڤەکۆلینە ژ دوو پشکان پێکدهێت پشکا ئێکێ (چەمکێ گیرەکی، تایبەتمەندییێن گیرەکی جۆرێن گیرەکی، گیرەک و پۆلێن ئاخڤتنێ، گیرەک ژ لایێ پێکهاتنێڤە، گیرەک ژ لایێ واتایێڤە، گیرەک و مۆڕفیما بەند) و پشکا دوویێ پراکتیکرنا ئەڤان گیرەکان د دیارکرنا پۆلێن ڤەکری یێن ئاخڤتنێ (ناڤی، هەڤالناڤی،کاری و هەڤالکاری).