گەڕان
گەڕان لە هەموو توێژینەوەکانی گۆڤاری ئەکادیمیای کوردی بەپێی ناونیشان، نووسەر یان پوختە.
- 0
- ئەنجامەکان
- 0
- لە کۆبەشدا
- “مەزراندن، تەکنیکەکانی مەزراندن، ئەفسانە، جۆرهكانی ئەفسانە، کۆچڕەو کۆچڕەو.”
- گەڕان
ئەنجامەکان
- 2023
مهزراندنی جۆرەکانی ئهفسانه له ڕۆمانی کوردیدا (کۆچڕەو کۆچڕەو)ی عەبدوڵڵا سەڕاج بەنموونە
لە لایەننعمه قهرهنی ئیسماعیل & نهوزاد وەقاس سهعید
ناونیشانی ئهم توێژینهوهیه بریتییه له ''مهزراندنی جۆرەکانی ئهفسانه له ڕۆمانی کوردیدا، کۆچڕەو کۆچڕەوی عەبدوڵڵا سەڕاج بەنموونە''. ئەم توێژینەوەیە هەوڵێکە بۆ خستنەڕووی جۆرەکانی ئهفسانه لە ڕوانگەی جیاجیاوه، واتە توێژینهوهكه ئەو پۆلینانەی بۆ جۆرەکانی ئهفسانه کراوە دەخاتەڕوو . لەم توێژینهوهدا مەزراندن و تەکنیکەکانی جەختیان دەکرێتەسەر ، ئەمەش بەمەبەستی خستنەڕووی چۆنیەتی مەزراندنی ئەفسانەکانە لە ڕۆمانەکەدا، واتە هەر ئەفسانەیەک بە چ جۆرە تەکنیکێک مەزرێندراوە دەخرێتەڕوو. واته ئامانجی توێژینهوهكه بهرباس خستنی چۆنیەتی مەزراندنی ئەفسانەیە لە ڕۆماندا. گرنگی توێژینهوهكه خستنهڕووی ئهوهیه، كه چۆن جۆرەکانی ئهفسانه لهپێناو گهیاندنی مهبهستی جۆراوجۆردا له دەقی ڕۆماندا دهمهزرێنرێ. به واتای ئهوهی، توێژینهوهكه تیشك دهخاته سهر چۆنییهتی ڕهنگدانهوهی جۆرەکانی ئهفسانه و تەکنیکەکانی مەزراندن له ڕۆماندا. توێژینهوهكه دابهشكراوهته سهر دوو تهوهر. تهوهری یهكهم جگه له سهرهتایهكی كورت تهرخانه بۆ ناساندنی چهمك و زاراوهی مهزراندن، پاشان تیشك دهخرێته سهر تەکنیکەکانی مهزراندن, دواتریش پێناسەی ئهفسانه. تهوهری دووهم جۆرەکانی ئهفسانه و مهزراندنی جۆرەکانی ئهفسانه له ڕۆمانی کۆچڕەو کۆچڕەوی عەبدوڵڵا سەڕاج لهخۆ دهگرێ. له كۆتاییشدا ئهنجام، سهرچاوهكان و پوختهی توێژینهوهكه به زمانی ئینگلیزی و عهرهبی دهخرێنهڕوو.